Ақмола облысы бойынша Ұлттық сараптама орталығы филиалының сынамаларды қабылдау және іріктеу бөлімінің басшысы Нарбаева Динара — кәсіби қызмет пен спортты табысты үйлестіре білудің айқын мысалы.

2013 жылдан бері ҰСО-да еңбек етіп келе жатқан Динара 2022 жылдан бастап жеңіл атлетиканы өмірінің маңызды бөлігіне айналдырды. Ол үшін жүгіру — жай жаттығу емес, медитацияның бір түрі, жұмыс күнінен кейін демалып, күш жинаудың тәсілі. Ол жүгіру кезінде музыкасыз жүгіруді жөн көреді, бұл оған толығымен процессқа енуге және ойларын тазартуға көмектеседі.

Қысқа уақыт ішінде Динара спортта үлкен жетістіктерге жетті, ұлттық деңгейдегі түрлі марафондарда, эстафеталар мен ультрамарафондарда жеңімпаз және жүлдегер атанды. Оның табандылығы, тәртібі мен қозғалысқа деген сүйіспеншілігі құрметті атақтар мен марапаттармен бағаланды.

Бұл жетістіктер Ұлттық сараптама орталығында жоғары білікті мамандар ғана емес, кәсібінде де, спортта да жаңа шыңдарға ұмтылатын мықты мінезді адамдар еңбек ететінін дәлелдейді.